ہوشیار خبردار:پاکستان سمیت دنیا بھر میں آج اپریل فول کا عالمی دن منایا جا رہا ہے

پاکستان سمیت دنیا بھر میں آج اپریل فول یعنی ’’بیوقوف بنانے‘‘کا عالمی دن منایا جا رہا ہے۔ آج آ پ کو کوئی بھی فون کھڑکائے گا، کہانی گھڑ کے بیوقوف بنائے گا ، کوئی باتوں ہی باتوں میں دماغ چکرائے گا، پھر مذاق اڑائے گا، اگر آپ بیوقوف بننا نہیں چاہتے تو خبردار رہیں کوئی غیرمعمولی بات کہے توپہلے سوچیں، سمجھیں پھر یقین کریں۔اس کے علاوہ کوئی بھی کسی کو بھی دھوکے سے بلا سکتا ہے اور بیوقوف بنا سکتا ہے۔ b آج کا دن قدم پھونک پھونک کر رکھنے کا ہے دنیا بھر میں آج ایک دوسرے کو بیوقوف بنانے کا دن منایا جا رہا ہے، محتاط رہتے ہوئے چاہیں تو آپ بھی دوست کو اپریل فول بنا سکتے ہیں، مگر ایسے کہ کسی کی دل آزاری نہ ہو ۔